Bugun O’zbekiston davlat san’at va madaniyat institutining Farg’ona mintaqaviy filialida «Ijtimoiy fanlar, kutubxonashunoslik va sport» kafedrasini tashabbusi bilan «Kitob mutolaasi va kitobxonlik madaniyatini yuksaltirish tamoyillari: muammo va yechimlar» mavzusida talabalar ilmiy-amaliy konferensiyasi boʼlib oʼtdi.

Konferensiyada kitob mutolaasi, kitobxonlik madaniyati, yosh avlodni kitobga bo‘lgan qiziqishini oshirish va kitobxonlikni rivojlantirish, ARMlarni raqamlashtirish texnologiyalari, ilmsizlikka qarshi kurashishda Mahmudxoʼja Behbudiyning “Padarkush” dramasi hamda Abdulhamid Cho‘lponning “Qor qo‘ynida lola” hisoyasining ahamiyati kabi koʼplab mavzular muhokama qilindi.

Konferensiyada oʼz maʼruzalari bilan faol ishtirok etgan talabalarga filial direktori Gapurov Mirmuxsin Kamoldinovich tomonidan sertifikatlar topshirildi.

#14yanvar #33yil

Yangi Oʻzbekiston armiyasi – mamlakat tayanchi, xalqimiz faxri

🔰 Oʼzbekiston davlat sanʼat va madaniyat institutining Farg‘ona mintaqaviy filialida 14-yanvar — Vatan himoyachilari kuni hamda Oʻzbekiston Respublikasi Qurolli Kuchlari tashkil etilganining 33-yilligi munosabati bilan “Yangi Oʻzbekiston armiyasi – mamlakat tayanchi, xalqimiz faxri!” shiori ostida davra suhbati tashkil etildi.

🔷 Davra suhbatida Qoʼqon shahar 42090-harbiy qismidan tashrif buyurgan I-darajali serjant Oʼtkirjon Eshonqulov, Qosimjon Norboyev hamda kichik serjant Ixtiyorjon Roʼzimurodovlar mamlakatimizning mudofaa qudratini yuksaltirish borasida amalga oshirilayotgan keng ko‘lamli islohotlar, mudofaa tizimida yoshlarga qaratilayotgan eʼtibor, berilayotgan imkoniyat va imtiyozlar, oliy harbiy bilim yurtlari hamda ularga kirish tartibi boʻyicha maʼruza qildilar.

O‘zbekiston davlat san’at va madaniyat institutining Farg‘ona mintaqaviy filiali «Anʼanaviy xonandalik» ta’lim yo’nalishi 2-kurs talabasi Qoriyaxon Rahmatillayeva «SHERMAT YORMATOV» nomidagi koʼp janrli Xalqaro tanlov-festivalida ishtirok etib «Yakkaxon xonandalik» yoʼnalishi bo‘yicha eng oliy oʼrin granpri sohibasi boʼldi.

Ustozi: «Xalq ijodiyoti» kafedrasi dotsenti v.b Saidmurod Topildiyev.

Bugun filial direktori Gapurov Mirmuxsin Kamoldinovich jamoa nomidan Qoriyaxon Rahmatillayeva hamda Saidmurod Topildiyevlarni erishilgan yutuq bilan tabrikladi.

O’zbekiston davlat san’at va madaniyat institutining Farg‘ona mintaqaviy filiali «Cholg‘u ijrochiligi va musiqiy-nazariy fanlar» kafedrasi dotsenti v.b Ahmadjon Yuldashev, «Sahna nutqi va sanʼatshunoslik» kafedrasi dotsenti v.b Bahoraxon Gʼofurova, «Teatr sanʼati» kafedrasi dotsenti v.b. Ravshanjon Dehqonovlar Oliy Attestatsiya Komissiyasi qarori bilan dotsentlik ilmiy unvoniga tasdiqlandilar.

Ayni damda filialning ilmiy salohiyati 50,5 foizni tashkil etmoqda. Bugun filial direktori Gapurov Mirmuxsin Kamoldinovich jamoa nomidan ustozlarni ilmiy unvonlar va erishilgan munosib yutuqlar bilan samimiy tabrikladi!

O’zbekiston davlat san’at va madaniyat institutining Farg‘ona mintaqaviy filiali kengashining 2024/2025-o’quv yili bo‘yicha navbatdagi yig’ilishi bo’lib o’tdi.

Filial direktori Gapurov Mirmuxsin Kamoldinovich raisligida o’tkazilgan «Kengash» davomida O‘zbekiston Respublikasi Prezidenti farmonlari, Vazirlar Mahkamasi qarorlari, O‘zbekiston Respublikasi Oliy ta’lim, fan va innovatsiyalar hamda Madaniyat vazirliklari buyruqlari ijrosi to‘g‘risida, filial bitiruvchilariga bo‘lgan ehtiyoj va ularni ishga joylashtirish holati to‘g‘risida, ilmiy-ijodiy ishlanmalarni tijoratlashtirish, xо‘jalik shartnomalarini tuzish va bajarilish holati tо‘g‘risida, 2024-yil yakunlari bo‘yicha filialda ilmiy salohiyatni oshirish yuzasidan amalga oshirilgan ishlar to‘g‘risida hisobot tinglandi hamda tegishli qarorlar qabul qilindi.

O’zbekiston xalq artisti, teatr va kino aktrisasi, professor Shafoatxon Rahmatullayeva 83 yoshda vafot etdi.

Aktrisa 1941-yil 4-yanvar kuni Farg‘ona viloyati Furqat tumani Navbahor qishlog‘ida tugʼilgan. O‘rta maktabni tugatgach pedagogika bilim yurtini, soʼngra teatr va rassomchilik institutining «Musiqali drama» fakultetini muvafaqqiyatli tamomlagan. Uzoq yililar mobaynida Sirdaryo viloyat va Qoʼqon shahar musiqali drama teatrlarida «Maysaraning ishi», «Vatan ishqi», «Qaydasan, jon bolam», «Yer tomiri», «Qirol Lir», «Ogʻriq tishlar», «Soxta oqsuyak», «Ayollar faryodi», «Maʼmura kampir» kabi rollari bilan tanildi. 1995-yil Poshsha xola va Maʼmura kampir rollari uchun yilning «Eng yaxshi ayol roli» nominatsiyasi gʼolibi boʼlgan. Shuningdek, «Masxaraboz», «Sevginator», «Sevginator-2», «Er bermoq – jon bermoq», «O‘zimdan o‘zimgacha», «Fidoyilar», «Poyga», «Sehrli qalpoqcha», «Sariq devni minib» kabi filmlarda suratga tushgan.

Shu bilan birga Sh.Rahmatullayeva O‘zbekiston davlat san’at va madaniyat institutining Farg‘ona mintaqaviy filialida talabalarga «Aktyorlik mahorati» hamda «Sahna nutqi» fanlaridan saboq berib keldi.

1980-yilda «Oʼzbekistonda xizmat koʼrsatgan artist» unvoni
1992-yilda «Oʼzbekiston xalq artisti» unvoni
2018-yilda «Mehnat shuhrati» ordeni mukofoti bilan taqdirlangan.

Shafoat Rahmatullayeva teatr va kino sanʼatini rivojlantirishda fidokorona xizmat qilib, jonkuyar va samimiy inson sifatida barchamizning qalbimizda mangu yashaydi.

Oʼzbekiston davlat sanʼat va madaniyat institutining Farg‘ona mintaqaviy filiali jamoasi ustozning yaqinlari va oila a’zolariga chuqur taziya izhor etadi.

Bugun O’zbekiston davlat san’at va madaniyat institutining Farg‘ona mintaqaviy filiali direktori Gapurov Mirmuxsin Kamoldinovich tomonidan Oliy ta’lim, fan va innovatsiyalar vazirligining 2024-yil 11-dekabrdagi 464-sonli buyrug’iga asosan Prezident davlat stipendiyasi sohibasi Mushtariy Xudoyberdiyeva, Islom Karimov nomli davlat stipendiya sohibasi Ehtiromxon Qudratullayeva, Navoiy nomli davlat stipendiyasi sohibasi Sarvara Najmiddinovaning ota-onalariga hamda ularning ustozlariga «TASHAKKURNOMA» topshirildi.

Taqdirlash marosimida shuningdek, Xalqaro ko’rik-tanlovlarda munosib yutuqlarga erishgan iqtidorli talabalardan Mumtozbegim Turg’unova hamda Sug’diyona Valijonovaga «DIPLOM» lar taqdim etildi.

Joriy yilning 18-dekabr kuni O’zbekiston davlat san’at va madaniyat institutining Farg‘ona mintaqaviy filiali direktori Gapurov Mirmuxsin Kamoldinovich hamda sirtqi ta’lim yo’nalishi 1-kurs talabalari o’rtasida ochiq muloqot otkazildi.

Ochiq muloqot davomida filial direktori har bir talaba bilan yaqindan tanishdi hamda talabalarni besh yillik o’qish davrida ilmiy-ijodiy faoliyatga yo‘naltirish va ularning innovatsion fikrlashlarini shakllantirish, respublika va xalqaro miqyosdagi ko’rik-tanlov, festival hamda anjumanlarda doimiy faol ishtirok etish kerakligi haqida fikr-mulohazalarini bildirdi.

🎓  O’zbekiston davlat san’at va madaniyat institutining Farg‘ona mintaqaviy filiali «Professional ta’lim: cholg‘u ijrochiligi» yo’nalishi 4-bosqich talabasi Xudoyberdiyeva Mushtariy Shonazar qizi Oliy ta’lim, fan va innovatsiyalar vazirligining 2024-yil 11-dekabrdagi 464-sonli buyrug’iga asosan O’zbekiston Respublikasi Prezidenti davlat stipendiyasiga sazovor bo’ldi.

🎓  O’zbekiston davlat san’at va madaniyat institutining Farg‘ona mintaqaviy filiali «Aktyorlik san’ati: qo’g’irchoq teatri aktyorligi» yo’nalishi 3-bosqich talabasi Najmiddinova Sarvara Samariddinovna Oliy ta’lim, fan va innovatsiyalar vazirligining 2024-yil 11-dekabrdagi 464-sonli buyrug’iga asosan Navoiy nomli davlat stipendiyasiga sazovor bo’ldi.

Qizlarimizni yuksak mukofotlar bilan filial jamoasi va barcha ustozlar, talabalar nomidan samimiy qutlaymiz hamda kelgusi faoliyatlarida ulkan zafarlar va muvaffaqiyatlar tilaymiz!