#Qabul_2024

O‘zbekiston davlat san’at va madaniyat institutining Farg‘ona mintaqaviy filialida 2024/2025-o’quv yili uchun o’tkazilayotgan kasbiy ijodiy imtihonlarning so’ngi kuni.

Bugun abiturientlar:
Cholg‘u ijrochiligi: «Fortepiano (organ)» yo‘nalishi bo‘yicha ijodiy imtihon topshirishmoqda.

Ijodiy imtihon o‘tkazilayotgan auditoriyaga maxsus kuzatuv kameralar o‘rnatilgan. Shuningdek, imtihon jarayoni videokameralar orqali yozib olinmoqda. Abituriyentlarning ota-onalari uchun barcha shart-sharoitlar yaratilgan, ular ijodiy imtihon jarayonini filial hovlisiga o’rnatilgan monitorlar orqali kuzatib borishmoqda.

#Qabul_2024 #kasbiy_imtihon

O‘zbekiston davlat san’at va madaniyat institutining Farg‘ona mintaqaviy filialida 2024/2025-o’quv yili uchun o’tkazilayotgan kasbiy ijodiy imtihonlar davom etmoqda.

Bugun abiturientlar:
1. Aktyorlik san’ati: «Musiqali teatr aktyorligi»
2. Rejissyorlik: «Musiqali teatr rejissyorligi»
3. Cholg‘u ijrochiligi: xalq cholg‘ulari (zarbli cholg‘ular) yo‘nalishlari bo‘yicha ijodiy imtihon topshirmoqdalar.

Ijodiy imtihonlar o‘tkazilayotgan har bir auditoriyalarga maxsus kuzatuv kameralar o‘rnatilgan. Shuningdek, imtihon jarayonlari videokameralar orqali yozib olinmoqda. Abituriyentlarning ota-onalari uchun barcha shart-sharoitlar yaratilgan, ular ijodiy imtihon jarayonlarini filial hovlisiga o’rnatilgan monitorlar orqali kuzatib borishmoqda.

O’zbekiston davlat san’at va madaniyat institutining Farg‘ona mintaqaviy filiali web-sayti:

Bosh sahifa

Qabul 2024-2025


Telegram kanali:
t.me/qabulfilial

#Qabul_2024 #kasbiy_imtihon

O‘zbekiston davlat san’at va madaniyat institutining Farg‘ona mintaqaviy filialida 2024/2025-o’quv yili bo’yicha hujjat topshirgan abiturientlar uchun kasbiy ijodiy imtihonlar boshlandi.

Bugun abiturientlar:
1. Aktyorlik san’ati: «Dramatik teatr va kino aktyorligi» hamda «Qo’g’irchoq teatri aktyorligi»
2. Xalq ijodiyoti: «Ashula va raqs» yo‘nalishlari bo‘yicha ijodiy imtihon topshirishmoqda.

Ijodiy imtihonlar o‘tkazilayotgan har bir auditoriyalarga maxsus kuzatuv kameralar o‘rnatilgan. Shuningdek, imtihon jarayonlari videokameralar orqali yozib olinmoqda. Abituriyentlarning ota-onalari uchun barcha shart-sharoitlar yaratilgan bo’lib, ular ijodiy imtihon jarayonlarini filial hovlisiga o’rnatilgan monitorlar orqali kuzatib borishmoqda.

O’zDSMI Farg’ona mintaqaviy filiali matbuot xizmati.

E’TIROF

Bugun O’zbekiston davlat san’at va madaniyat institutining Farg‘ona mintaqaviy filiali direktori Gapurov Mirmuxsin Kamoldinovich 2023/2024 o’quv yilining «Eng namunali kafedra» tanlovida I-II-o’rinni egallagan kafedralarga hamda 2023/2024-o’quv yilida alohida o’rnak ko‘rsatgan professor-o’qituvchilarga tantanali ravishda «TASHAKKURNOMA» lar topshirdi.

FILIAL KENGASHINING NAVBATDAGI  YIG’ILISHI

O’zbekiston davlat san’at va madaniyat institutining Farg‘ona mintaqaviy filiali kengashining 2023/2024-o’quv yili bo‘yicha 11-sonli yig’ilishi bo’lib o’tdi.

Filial direktori Gapurov Mirmuxsin Kamoldinovich raisligida o’tkazilgan «Kengash» davomida O‘zbekiston Respublikasi Prezidenti farmonlari, Vazirlar Mahkamasi qarorlari, O‘zbekiston Respublikasi Oliy ta’lim, fan va innovatsiyalar hamda Madaniyat vazirliklari buyruqlari ijrosi to‘g‘risida, 2023-2024 o‘quv yili yakunlari to‘g‘risida (ma’naviy-ma’rifiy, o‘quv, ilmiy) hisobot, O‘zbekiston Respublikasi Prezidenti va Nomdor stependiyalari tanlovining I-bosqich yakunlari va II-bosqichiga tavsiya etish to‘g‘risida, “Yilning eng yaxshi pedagogi” tanlovi natijalari xususida, “O‘zbekiston davlat san’at va madaniyat institutining Farg‘ona mintaqaviy filialini 2023/2030-yillarda rivojlantirish dasturi” bo‘yicha amalga oshirilgan ishlar hisobati haqida, O‘zbekiston davlat san’at va madaniyat institutining Farg‘ona mintaqaviy filialida tashkil etilgan “Eng namunali kafedra” tanlovi natijalari to‘g‘risida, mualliflik huquqi guvohnomasini olgan professor-o‘qituvchilarni moddiy rag‘batlantirish tо‘g‘risida hisobotlar tinglanib tahlil etildi hamda tegishli qarorlar qabul qilindi.

OCHIQ MULOQOT

Joriy yilning 26-iyun kuni O’zbekiston davlat san’at va madaniyat institutining Farg‘ona mintaqaviy filiali direktori Gapurov Mirmuxsin Kamoldinovich Vokal san’ati: «An’anaviy xonandalik» ta’lim yo’nalishi 1-2-3-bosqich talaba-yoshlari bilan ochiq muloqot o’tkazdi.

Samimiy ruhda o’tkazilgan muloqot davomida talabalar ta’lim jarayonidagi mavjud muammolar, ijodiy faoliyat samaradorligini oshirish va ta’lim sifatini yanada yaxshilashga qaratilgan talab va takliflarini bildirdilar.

Talabalarning savollariga filial direktori Mirmuxsin Gapurov batafsil javob berdi hamda talaba-yoshlarni qiziqtirayotgan masalalar, talab va takliflarini ijobiy hal etishga, barcha mavjud imkoniyatlardan kelib chiqqan holda foydalanishini bildirdi.

Bugungi ochiq muloqot so‘ngida filial direktori barcha talabalarga yozgi ta’til mobaynida maroqli hordiq olmoqlikni va yangi o’quv yilida xush kayfiyat bilan diydor ko’rishmoqlikni tiladi.

OʻzDSMI rektori institutning Farg‘ona mintaqaviy filiali faoliyati bilan tanishdi

2024-yil 21-iyun kuni O‘zbekiston davlat san’at va madaniyat instituti rektori, professor Nodirbek Sayfullayev O’zbekiston davlat san’at va madaniyat institutining Farg‘ona mintaqaviy filiali faoliyati bilan tanishish, yakuniy davlat attestatsiyasi jarayonlarini kuzatish va amaliy yordam berish maqsadida filialga tashrif buyurib, talabalar uchun yaratilgan shart-sharoitlar, Axborot resurs markazi faoliyati va ijodiy ustaxonalar bilan yaqindan tanishdi.

Tashrif doirasida N.Sayfullayev talabalarining bitiruv malakaviy ishlari himoyasida ham ishtirok etdi. Shuningdek, filial rahbariyati va professor-o’qituvchilar hamda bitiruvchi talabalar bilan suhbatlashdi.

E’TIROF

Bugun O’zbekiston davlat san’at va madaniyat institutining Farg‘ona mintaqaviy filiali direktori Gapurov Mirmuxsin Kamoldinovich «Cholg‘u ijrochiligi va musiqiy-nazariy fanlar» kafedrasi dotsenti v.b. Rafiqjon Ahmedovga Oliy Attestatsiya Komissiyasi qarori bilan tasdiqlangan dotsentlik ilmiy unvoni guvohnomasini hamda Shahrisabz shahrida bo’lib o’tgan «YANGI YULDUZLAR» Respublika ko’rik tanlovida I-o’rinni egallagan professional ta’lim: «Cholg‘u ijrochiligi» 2-bosqich talabalari Ilyosbek Hakimov, Noiljon Mahmudhonov hamda ularning ustozi «Cholg‘u ijrochiligi va musiqiy nazariy fanlar» kafedrasi o’qituvchisi Toshtemirjon Halilovlarga «DIPLOM» va «TASHAKKURNOMA» larni tantanali ravishda topshirdi.

FILIAL KENGASHINING NAVBATDAGI  YIG’ILISHI

 

O’zbekiston davlat san’at va madaniyat institutining Farg‘ona mintaqaviy filiali kengashining 2023/2024-o’quv yili bo‘yicha 10-sonli yig’ilishi bo’lib o’tdi.

Filial direktori Gapurov Mirmuxsin Kamoldinovich raisligida o’tkazilgan «Kengash» davomida O‘zbekiston Respublikasi Prezidenti farmonlari, Vazirlar Mahkamasi qarorlari, O‘zbekiston Respublikasi Oliy ta’lim, fan va innovatsiyalar hamda Madaniyat vazirliklari buyruqlari ijrosi to‘g‘risida, filialda chet tillarini o‘qitishning sifatini yanada takomillashtirish hamda professor-o‘qituvchilar va talabalarni chet tillarini o‘zlashtirish holati tо‘g‘risida, “Talaba-yoshlar ijodiyoti” ko‘rik-festivali va “Ochiq eshiklar kuni”ni samarali tashkil etish chora-tadbirlari va uning bajarilishi to‘g‘risida, Xalqaro hamkorlik aloqalarini tashkil etish va takomillashtirish bо‘yicha amalga oshirilgan ishlar va professor-о‘qituvchilarning xorijiy nufuzli oliy ta’lim muassasalarida malaka oshirish hamda stajirovkalarga yuborilishini tashkil etilishi tо‘g‘risida hisobotlar tinglanib tahlil etildi hamda tegishli qarorlar qabul qilindi.

MA’RIFAT ULASHIB

Qo’qon universiteti hamda O‘zbekiston davlat san’at va madaniyat institutining Farg‘ona mintaqaviy filiali hamkorligida “Ma’rifat ulashib” loyihasi doirasida navbatdagi ma’naviy-ma’rifiy tadbir tashkil etildi.

Mazkur uchrashuvda O‘zbekiston Respublikasida xizmat ko‘rsatgan jurnalist, O‘zbekiston Yozuvchilar uyushmasi raisining birinchi o‘rinbosari, shoir Minhojiddin Mirzo, Qo’qon universiteti direktori G’afurjon Zohidov, O’zbekiston davlat san’at va madaniyat institutining Farg‘ona mintaqaviy filiali direktori Mirmuxsin Gapurov hamda O‘zbekiston Yozuvchilar uyushmasining Farg‘ona viloyati bo’limi boshlig‘i, shoira Dilshoda Ergasheva, Qo‘qon davlat pedagofika instituti professori Zebo Qobilovalar ishtirok etishdi.

Ma’naviy-ma’rifiy tadbirda talaba-yoshlar bilan qiziqarli va maroqli davra suhbati bo‘lib o‘tdi.

Bugungi tadbir davomida filialimiz jamoasi tomonidan dilrabo kuy-qo‘shiqlar, sahnalashtirgan badiiy chiqishlar namoyish etildi.

Tadbir so’ngida «Yashil makon» loyihasi doirasida universitet hududiga adiblar va OTM rahbarlari ishtirokida mevali va manzarali ko‘chatlar ekildi.

Tadbir yakunida talaba-yoshlarga O’zbekiston Respublikasi yo’zuvchilar yuyshmasi tomonidan yangi nashrdan chiqqan kitoblar taqdim etildi.