Joriy yilning 20-sentabr kuni O’zbekiston davlat san’at va madaniyat institutining Farg‘ona mintaqaviy filiali direktori Gapurov Mirmuxsin Kamoldinovich birinchi kursga qabul qilingan  talabalar bilan ochiq muloqot o‘tkazdi.

Ochiq muloqot davomida talabalarni ilmiy-ijodiy faoliyatga yo‘naltirish va ularning innovatsion fikrlashlarini shakllantirish, respublika va xalqaro miqyosdagi ko’rik-tanlov, festival hamda anjumanlarda faol ishtirok etish, shuningdek, 2024/2025-o’quv yilida amalga oshirish lozim bo’lgan rejalar, ustoz-shogird an’analarini munosib davom ettirish, filial ichki tartib qoidalariga rioya qilish to’g’risida so’z yuritildi.

Ochiq muloqot so’ngida talabalarning savollariga filial direktori batafsil javob berdi hamda talaba-yoshlar bildirgan talab va istaklarni ijobiy hal etishga, barcha mavjud imkoniyatlardan kelib chiqqan holda foydalanish taklifini bildirdi.

O’zbekiston davlat san’at va madaniyat institutining Farg‘ona mintaqaviy filiali kengashining 2024/2025-o’quv yili bo‘yicha yig’ilish bo’lib o’tdi.

Filial direktori Gapurov Mirmuxsin Kamoldinovich raisligida o’tkazilgan «Kengash» davomida O‘zbekiston Respublikasi Prezidenti farmonlari, Vazirlar Mahkamasi qarorlari, O‘zbekiston Respublikasi Oliy ta’lim, fan va innovatsiyalar hamda Madaniyat vazirliklari buyruqlari ijrosi to‘g‘risida, filialning 2024-2025-o‘quv yili uchun kompleks ish rejasini tasdiqlash to‘g‘risida, 2024-2025-o‘quv yiliga tayyorgarlik holati to‘g‘risida, O‘zbekiston Respublikasi mustaqilligining 33 yilligi munosabati bilan o‘tkaziladigan ma’naviy-ma’rifiy tadbirlar to‘g‘risida, 2024-2025-o‘quv yili uchun  me’yoriy hujjatlar (o‘quv rejalari, ishchi o‘quv dasturlari, tanlov va qo‘shimcha fanlar dastur) larini tasdiqlash to‘g‘risida hisobotlar tinglanib tahlil etildi hamda tegishli qarorlar qabul qilindi.

O’zbekiston davlat san’at va madaniyat institutining Farg‘ona mintaqaviy filiali direktori Gapurov Mirmuxsin Kamoldinovich professor-o’qituvchilar hamda ishchi xodimlar bilan uchrashdi.

Filial direktori “Bir bo‘lsak–yagona xalqmiz, birlashsak–Vatanmiz!” shiori ostida o’tkazilayotgan mustaqilligimizning 33 yilligi hamda 2024/2025-yangi o’quv yili bilan barchani tabrikladi hamda hozirga qadar filialimizda erishilgan yutuqlar, rejaga muvofiq bajarilgan ishlar, shuningdek, yangi o’quv yilida amalga oshirish lozim bo’lgan rejalar haqida ma’ruza qildi. M.Gapurov professor va dotsent ilmiy unvonlarini olgan hamda davlat mukofotlariga sazovor bo‘lgan professor-o’qituvchilarni tabrikladi.

Uchrashuv davomida direktorining Yoshlar masalalari va ma’naviy-ma’rifiy ishlar bo’yicha birinchi o‘rinbosari R.O’taganov, O‘quv ishlari bo‘yicha direktor o’rinbosari A.Sattorov, Ilmiy ishlar va innovatsiyalar bo‘yicha direktor o’rinbosari R.Turg’unboyevlar o’z yo’nalichlari yuzasidan ma’ruzalar qilishdi.

Ayni damda O‘zbekiston davlat san’at va madaniyat institutining Farg‘ona mintaqaviy filialida 24–25-avgust kunlari «Mahalla obod — yurt obod” shiori ostida yurtimizda bo’lib o’tayotgan umumxalq xayriya hashari o’tkazilmoqda.

Erta tongdan filial binosining ichki va tashqi hududlari, yashil maydonlar hamda talabalar turar joyini obodonlashtirish maqsadida umumxalq xayriya hashari bo’lib o’tmoqda.

Memorandum imzolandi

🏛 O‘zbekiston davlat san’at va madaniyat institutining Farg‘ona mintaqaviy filiali hamda O‘zbekiston Respublikasi Madaniy Meros agentligiga qarashli “Qo‘qon” art-rezidensiyasi o‘rtasida o‘zaro hamkorlik memorandumi imzolandi.

🔷 Unga ko’ra yoshlarimizni madaniy meros, milliy qadriyatlarga sadoqat ruhida tarbiyalashda hamkorlik qilish, filial talabalari orasida ijodkor yoshlarni ijodiy imkoniyatlarini namoyon etish uchun zamonaviy standartlarga javob beradigan hududdan foydalanishga imkon berish, innovatsion art-loyihalar uchun ko‘rik-tanlovlar tashkil etish va amalga oshirishga ko‘maklashish, o‘zbek xalqining boy madaniy tarixini o‘zida mujassamlashtirilgan me’moriy, tasviriy san’at asarlarni targ‘ib qilishda hamkorlik qilish, ilmiy-tadqiqot ishlarini hamkorlikda olib borish, ilmiy kontseptsiyalar va dasturlarni birgalikda ishlab chiqish hamda amalga oshirish, tomonlarning faoliyati yo‘nalishlariga xos madaniy tadbirlarni hamkorlikda o‘tkazish belgilab olindi.

O‘zbekiston Respublikasi Prezidentining 2024-yil 21-fevraldagi “O‘zbekiston – 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida”gi PF-37-son Farmonining 1-bandida alohida ishlash talab etiladigan yoshlarni mas’ul rahbarlarga nomma-nom biriktirish amaliyotini joriy etish vazifasi belgilangan. Shu munosabat bilan O’zbekiston davlat san’at va madaniyat institutining Farg‘ona mintaqaviy filiali direktori o’ziga biriktirilgan yoshlar bilan uchrashuvlar o’tkazmoqda.

Jumladan joriy yilning 29-iyul kuni filial rahbariga biriktirilgan Qo‘qon shahar Chorchinor MFYda istiqomat qiluvchi alohida e’tiborga muhtoj og‘ir toifadagi yoshlar bilan o‘z xonadonlarida uchrashuvlar tashkil etildi.

Uchrashuv davomida yoshlarni kasb-hunar, ilm-fan, chet tillariga o‘qitish, bandligini ta’minlash bilan bog‘liq asosiy muammolar o‘rganildi hamda vatanparvarlik va bo‘sh vaqtni mazmunli tashkil etishga doir tadbirlarni amalga oshirish bo‘yicha kelishib olindi. Shuningdek uchrashuv jarayonida yoshlarning ma’lumoti, oilaviy va ijtimoiy holati, muammolari va qiziqishlari haqida ma’lumotlar olindi.

Uchrashuv so‘ngida filial direktori M.G‘apurov hamda Yoshlar masalalari va ma’naviy-ma’rifiy ishlar bo‘yicha direktorning birinchi o‘rinbosari R.O’taganovlar mahalla yoshlarini qo‘llab-quvvatlash borasidagi bir qator ishlarga jumladan, ilm-fan, san’at, madaniyat, kasb-hunarga o‘rgatish hamda jamiyatda o‘z o‘rnini topa olishi uchun amaliy yordam berishga tayyor ekanliklarini ta’kidlab o‘tishdi.

Filial direktori M.G‘apurov boshchiligida filial ishlar boshqarmasi boshlig‘i A.Meliboyev hamda direktorning yoshlar masalalari va ma’naviy-ma’rifiy ishlar bo‘yicha birinchi o‘rinbosari R.O’taganov tomonidan e’tiborga muhtoj  yoshlarga moddiy yordamlar ko‘rsatildi.

Joriy yilning 16–17-iyul kunlari Oliy ta’lim, fan va innovatsiyalar vazirligi tomonidan Samarqand shahridagi “Ipak yo‘li” turizm va madaniy meros xalqaro universitetida O‘zbekiston-Qirg‘iziston rektorlarining II forumi bo‘lib o‘tdi.

Anjumanda ikki mamlakat oliy ta’lim muassasalari oʻrtasida to‘g‘ridan to‘g‘ri aloqalarni yo‘lga qoʻyish, professor-o‘qituvchi va talabalar almashinuvi, o‘zaro o‘quv jarayonlarini tashkil qilish, ta’lim sifatini oshirish, stajirovka o‘tash, malaka oshirish va ilmiy faoliyatdagi hamkorlikni rivojlantirish, shuningdek, turizm, san’at va madaniyat, geologiya, qishloq xo‘jaligi, tibbiyot, raqamlashtirish va sun’iy intellekt yo‘nalishlarida kadrlar tayyorlash masalalari muhokama qilindi.

Forumda O‘zbekiston va Qirg‘iziston rektorlari tomonidan o‘zaro hamkorlik doirasida 30 ga yaqin anglashuv memorandumi, bitim va yo‘l xaritalari imzolandi.

Mazkur forumda O’zbekiston davlat san’at va madaniyat institutining Farg‘ona mintaqaviy filiali direktori Gapurov Mirmuxsin Kamoldinovich hamda I.Arabayev nomidagi Qirg’iz davlat universiteti rahbariyati tomonidan xalqaro hamkorlik doirasida memorandum imzolandi.

O‘zbekiston davlat san’at va madaniyat institutining Farg‘ona mintaqaviy filialida 2024/2025-o’quv yili uchun o’tkazilayotgan kasbiy ijodiy imtihonlarning so’ngi kuni.

Bugun abiturientlar:
Cholg‘u ijrochiligi: «Fortepiano (organ)» yo‘nalishi bo‘yicha ijodiy imtihon topshirishmoqda.

Ijodiy imtihon o‘tkazilayotgan auditoriyaga maxsus kuzatuv kameralar o‘rnatilgan. Shuningdek, imtihon jarayoni videokameralar orqali yozib olinmoqda. Abituriyentlarning ota-onalari uchun barcha shart-sharoitlar yaratilgan, ular ijodiy imtihon jarayonini filial hovlisiga o’rnatilgan monitorlar orqali kuzatib borishmoqda.

O‘zbekiston davlat san’at va madaniyat institutining Farg‘ona mintaqaviy filialida 2024/2025-o’quv yili uchun o’tkazilayotgan kasbiy ijodiy imtihonlar davom etmoqda.

Bugun abiturientlar:
1. Aktyorlik san’ati: «Musiqali teatr aktyorligi»
2. Rejissyorlik: «Musiqali teatr rejissyorligi»
3. Cholg‘u ijrochiligi: xalq cholg‘ulari (zarbli cholg‘ular) yo‘nalishlari bo‘yicha ijodiy imtihon topshirmoqdalar.

Ijodiy imtihonlar o‘tkazilayotgan har bir auditoriyalarga maxsus kuzatuv kameralar o‘rnatilgan. Shuningdek, imtihon jarayonlari videokameralar orqali yozib olinmoqda. Abituriyentlarning ota-onalari uchun barcha shart-sharoitlar yaratilgan, ular ijodiy imtihon jarayonlarini filial hovlisiga o’rnatilgan monitorlar orqali kuzatib borishmoqda.

O’zbekiston davlat san’at va madaniyat institutining Farg‘ona mintaqaviy filiali web-sayti:

Bosh sahifa

Qabul 2024-2025

Telegram kanali:
t.me/qabulfilial

O‘zbekiston davlat san’at va madaniyat institutining Farg‘ona mintaqaviy filialida 2024/2025-o’quv yili bo’yicha hujjat topshirgan abiturientlar uchun kasbiy ijodiy imtihonlar boshlandi.

Bugun abiturientlar:
1. Aktyorlik san’ati: «Dramatik teatr va kino aktyorligi» hamda «Qo’g’irchoq teatri aktyorligi»
2. Xalq ijodiyoti: «Ashula va raqs» yo‘nalishlari bo‘yicha ijodiy imtihon topshirishmoqda.

Ijodiy imtihonlar o‘tkazilayotgan har bir auditoriyalarga maxsus kuzatuv kameralar o‘rnatilgan. Shuningdek, imtihon jarayonlari videokameralar orqali yozib olinmoqda. Abituriyentlarning ota-onalari uchun barcha shart-sharoitlar yaratilgan bo’lib, ular ijodiy imtihon jarayonlarini filial hovlisiga o’rnatilgan monitorlar orqali kuzatib borishmoqda.

O’zDSMI Farg’ona mintaqaviy filiali matbuot xizmati.