“Sahna nutqi va san’atshunoslik” kafedrasi haqida ma’lumot

“Sahna nutqi va san’atshunoslik” kafedrasi O‘zbekiston davlat san’at va madaniyat instituti Farg‘ona mintaqaviy filialining 2023 yil 30 avgustdagi 1-sonli yig‘ilishi bayonnomasi asosida tashkil topgan.

“Sahna nutqi va san’atshunoslik” kafedrasi tarkibida  dotsentlar, katta o‘qituvchilar, o‘qituvchilar, asistentlar hamda ilmiy izlanuvchi xodimlar faoliyat olib bormoqdalar. Bugungi kunda kafedrada 10 ta professor-o‘qituvchilar faoliyat olib boradi.  Bulardan 2 nafar O‘zbekiston Respublikasi xalq artisti, professorlar,  2 nafar dotsent , 1 nafar dotsent v. b., 2 nafar katta o‘qituvchi,  2 nafar o‘qituvchi, 1 nafar stajyor-o‘qituvchilardan iborat. Kafedrada “Musiqali teatr aktyorligi”, “Folklor etnografiya”, “Qo‘g‘irchoq teatr aktyorligi”, “Professonal ta’lim (cholg‘u ijrochiligi)” “Askiya san’ati”, “Qo‘g‘irchoq teatr rejissorligi”, “Dramatik teatr rejissorligi”, “Dramatik teatr va kino aktyorligi”, “Musiqali teatr rejissorligi”, “Kino va televidenie rejissorligi”, “Sahna va ekran dramaturgiyasi”, “Teatrshunoslik”, “Xoreografiya jamoa rahbarligi” yo‘nalishlaridagi talabalar tahsil olmoqda.

“Sahna nutqi va san’atshunoslik” kafedrasi tomonidan “Ilmiy-uslubiy, ilmiy-tadqiqot” faoliyatini tashkil etilishi va bajarilishi xolati bo‘yicha ayni damda  ilmiy salohiyatni oshirish, bu boradagi ishlar sifatini ham son, ham sifat jihatdan qamrovini kengaytirish, professor-o‘qituvchilar, talabalar va mustaqil tadqiqotchilarning ilmiy jarayonlaridagi faoliyatlariga ko‘mak berish maqsadida tizimli ishlar tashkil qilinib, salmoqli yutuqlar qo‘lga kiritilmoqda. Jumladan, shu kungacha kafedramiz professor-o‘qituvchilari tomonidan yuzdan ortiq ilmiy maqolalar va 6 dona o‘quv qo‘llanma, 1 dona darslik 1 dona monografiya yaratilgan. Shu bilan birgalikda O‘zbekiston davlat san’at va madaniyat institutining Farg‘ona mintaqaviy filialida ta’lim olayotgan bo‘lajak san’at ustalarining malakasini oshirishda mashhur san’atkorlar tomonidan o‘tilayotgan mahorat darslari alohida ahamiyatlidir. Shu boisdan ham o‘z kasbining mohirlari ta’lim dargohimizga jalb qilinib, ular ishtirokida mahorat darslari tashkillanmoqda va taniqli san’atkorlar talabalarimiz uchun san’at sirlarini o‘rgatib kelmoqdalar.

O‘zbekiston Respublikasi Davlat Mustaqilligining 30 yilligi munosabati bilan Qo‘qon shahrimizda  O‘zbekiston davlat san’at va madaniyat institutining Farg‘ona mintaqaviy filiali o‘qituvchi hamda talabalaridan tashkil topgan «Yangi O‘zbekistonning yoshlar ansambli» ijrosida «Maqom kechalari» nomli konsert dasturi tashkil etildi. Konsert dasturida buyuk adiblar Nizomiddin Mir Alisher Navoiy, Zahiriddin Muhammad Bobur, Amiriy, Mohlaroyim Nodira hamda Muhammad Aminxo‘ja Muqimiy kabi betakror shoirlarning g‘azallariga bastalangan kuy-qo‘shiqlarga “Xoreografiya jamoa rahbarligi” yo‘nalishi talabalari tomonidan raqslar  ijro etildi. 2023-yilning 30-noyabr kuni “Xoreografiya jamoa rahbarligi” yo‘nalishi o‘qituvchisi A.Abdixamidovning mutaxasislik fanlaridan o‘tkazgan “Raqslar guldastasi” deb nomlangan sinf konserti namoyish etildi. “Qo‘qon shahar musiqali drama teatri” da bo‘lib o‘tgan “Qomusim  –  or-nomusim” deb nomlangan teatrlashgan konsert dasturini tayyorlash va o‘tkazish ishlarida “Xoreografiya jamoa rahbarligi” yo‘nalishi talabalari hamda professor o‘qtuvchilari faol ishtirok etishdi. 2023-yilning 19-dekabr kuni bo‘lib o‘tgan Farg‘ona viloyati hokimi bilan yoshlar uchrashuvi tadbirida “Xoreografiya jamoa rahbarligi” yo‘nalishi talabalari hamda professor-o‘qtuvchilari faol ishtirok etdilar.

“Sahna nutqi va san’atshunoslik” kafedrasidan ko‘plab talabalar  viloyat, Respublika miqyosidagi ko‘rik tanlovlarda ishtirok etib faxrli o‘rinlarni egallab diplom va sertifikatlarni bilan taqdirlanishdi.

 

Boltaboeva Umidaxon Mansurjonovna

O‘zbekiston davlat san’at va madaniyat institutining Farg‘ona mintaqaviy filiali “Sahna nutqi va san’atshunoslik” kafedrasi mudiri.

MEXNAT FAOLIYATI

 

1991-1995 yy. – Farg‘ona viloyati, Uchko‘prik tumani o‘quvchilar ijodiyot markazida to‘garak raxbari

1995-1999 yy. – Farg‘ona viloyati, Uchko‘prik tumani 17-sonli davlat maktabgacha ta’lim muassasasida

bosh tarbiyachi

1999-2009 yy. – Farg‘ona viloyati, Uchko‘prik tumani o‘quvchilar ijodiyot markazida to‘garak rahbari va

uslubchi

2009-2011 yy. – Farg‘ona viloyati, Uchko‘prik tumani o‘quvchilar ijodiyot markazida  bo‘lim boshlig‘i

2011-2017 yy  – Farg‘ona viloyati, Uchko‘prik tumani tumani 20-bolalar musiqa va san’at maktabi

o‘qituvchisi

2017 -2019 yy – O‘zbekiston davlat san’at va madaniyat institutining Farg‘ona mintaqaviy

filiali “Teatr san’ati va xalq ijodiyoti” kafedrasi o‘qituvchisi

2019-2019 yy – O‘zbekiston davlat san’at va madaniyat institutining Farg‘ona mintaqaviy filiali             “Teatr san’ati va xalq ijodiyoti” kafedrasi mudiri v.b.

2020-2022 yy – O‘zbekiston davlat san’at va madaniyat institutining Farg‘ona mintaqaviy

filiali “Teatr san’ati” kafedrasi katta o‘qituvchisi

2022-2023 yy –  O‘zbekiston davlat san’at va madaniyat institutining Farg‘ona mintaqaviy   filiali

“Teatr san’ati” kafedrasi dotsenti

2023 y.- h.v.   – O‘zbekiston davlat san’at va madaniyat institutining Farg‘ona mintaqaviy filiali

“Sahna nutqi va san’atshunoslik” kafedrasi mudiri

• Kafedra mudiri lavozim vazifalari:
• O‘zining xizmat vazifalarini vijdonan bajarish;
• Mehnat intizomiga rioya qilish, ish beruvchining qonunga muvofiq bo‘lgan farmoyishlari va ko‘rsatmalarini o‘z vaqtida hamda sifatli bajarish;
• Muassasaning mol-mulkiga avaylab munosabatda bo‘lish va undan oqilona foydalanish;
• Muassasa jamoasining a’zolari va ish jarayonida aloqa qiladigan boshqa shaxslar bilan xushfe’l munosabatda bo‘lish, kiyinish madaniyatiga rioya etish;
• Muassasa miqyosida kafedra faoliyatiga taalluqli masalalar muhokamasi va hal etilishida ishtirok etish;
• Kafedra ish rejasi, professor-o‘qituvchi va xodimlarining shaxsiy ish rejalari hamda kafedra faoliyati doirasidagi boshqa hujjatlarni tasdiqlash;
• Kafedra pedagog xodimlariga o‘quv yuklamalarini taqsimlash hamda ularning o‘z vaqtida va sifatli bajarilishini nazorat qilish;
• Kafedraga pedagog kadrlarni tanlov asosida ishga qabul qilinishini ta’minlash, ularni moddiy va ma’naviy rag‘batlantirish, shuningdek, intizomiy jazo choralarini qo‘llash to‘g‘risida OTMsi rahbariyatiga belgilangan tartibda takliflar kiritish;
• OTMsining tegishli xizmat bo‘linmalaridan o‘quv-tarbiyaviy va ilmiy- tadqiqot jarayonini talab darajasida o‘tkazish uchun zarur bo‘lgan sharoitlarni ta’minlashni talab etish;
• Belgilangan tartib va muddatlarda o‘quv yilidagi faoliyati bo‘yicha kafedra hisobotini tayyorlash, Ilmiy kengash majlislarida hisobot berish;
• Tasdiqlangan rejaga muvofiq ilmiy-tadqiqot ishlarini olib borish, tugallangan ilmiy-tadqiqot ishlarini ta’lim, fan va ishlab chiqarish bilan integrasiyasini ta’minlash;
• Kafedra o‘qituvchilarining shaxsiy ish rejalaridagi o‘quv, ilmiy- uslubiy, ilmiy-tadqiqot, ma’naviy-ma’rifiy va tashkiliy-uslubiy ishlarini ko‘rib chiqish, tajribali o‘qituvchilar faoliyatini o‘rganish, umumlashtirish, ilg‘or tajribalarini ommalashtirishga qaratilgan ishlarni tashkil etish;
• Zamonaviy pedagogik va axborot-kommunikasiya texnologiyalarini joriy etish, pedagogik faoliyat bilan shug‘ullanishni boshlagan yosh o‘qituvchilarga pedagogik malaka va ko‘nikmalarni egallashda yordam berish, axborot bazasini yaratish, o‘quv mashg‘ulotlarida zamonaviy o‘quv-texnika vositalaridan, yakka tartibda o‘qitish va mustaqil ta’lim olish uslublaridan samarali foydalanishni yo‘lga qo‘yittt, o‘qitishni zamonaviy kompьyuter texnikalari bilan jihozlangan maxsus o‘quv auditoriyalarda tashkil qilish bo‘yicha takliflar kiritish, masofali o‘qitish elementlarini rivojlantirish ishlarini amalga oshirish;
• Ilmiy-pedagogik kadrlarni tayyorlash, kafedra mutaxassisligiga mos yoki turdot ixtisosliklar bo‘yicha nomzodlik va doktorlik dissertasiyalarini ilmiy seminarlarda muhokama qilish, ta’lim hujjatlarining me’yor talablariga javob berishini belgilash bo‘yicha ekspert guruhlari tarkibida ishtirok etish;
• Bitiruvchilarni ishga taqsimlash, bitiruv malakaviy ishi, magistrlik dissertasiyasining mavzularini shakllantirish, byudjetdan tashqari mablag‘larni jalb etish, shuningdek, ilmiy-texnikaviy yordam ko‘rsatish maqsadida ishlab chiqarish korxonalari va boshqa xo‘jaliklar bilan aloqa o‘rnatish;
• OTMsi (oliy ta’lim muassasasi) va mazkur kafedrada stajyor- tadqiqotchi-izlanuvchilari bilan muntazam aloqalarni tashkil etish, bitiruvchilar monitoringini olib borish;
• Kafedra ixtisosligi bo‘yicha mutaxassislar malakasini oshirishga yo‘naltirilgan tadbirlar o‘tkazish, ta’lim xizmati ko‘rsatish tizimini rivojlantirish;
• Talabalarning qiziqishlarini e’tiborga olgan holda turli mavzular, yo‘nalishlar va ixtisosliklar, kasb-hunar turlari bo‘yicha to‘garaklar tashkil qilish, kichik korxonalarda, talabalarni darsdan bo‘sh vaqtini unumli va foydali mehnat bilan band qilishga qaratilgan tadbirlarni amalga oshirish;
• Kafedrada o‘qitiladigan fanlardan laboratoriya ishlarini to‘liq va sifatli o‘tkazilishini ta’minlash hamda kafedra laboratoriyalarini zamonaviy uskuna, qurilma va jihozlar bilan ta’minlanishiga homiylarni keng jalb etish;
• OTMsining axborot-resurs markazini kafedra ta’lim yo‘nalishlari va mutaxassisliklariga oid yangi o‘quv, ilmiy-texnikaviy va davriy adabiyotlar bilan uzluksiz to‘ldirib borilishini va yangilanishini doimiy nazorat qilish;
• Oliy ta’limning davlat ta’lim standartlariga muvofiq tuzilgan o‘quv rejalardagi fanlar bo‘yicha belgilangan mashg‘ulot turlarini yuksak nazariy, ilmiy-uslubiy va kasbiy darajada o‘tkazish, ta’lim sifatini ta’minlash;
• Talabalarning malakaviy amaliyoti, kurs loyihalari (ishlari), bitiruv malakaviy ishlari, magistrlik dissertasiyalariga, shuningdek mustaqil ishlari va ilmiy-tadqiqot ishlariga rahbarlik qilish;
• Talabalar bilimining reyting nazoratini joriy etish, talabalarning auditoriyadan tashqari ishlarini tashkil etish bo‘yicha tadbirlar o‘tkazish;
• Rivojlangan demokratik davlatlar darajasidagi yuksak ma’naviy va axloqiy talablarga javob beruvchi yuqori malakali raqobatbardosh kadrlarni tayyorlash;
• Kafedra fanlari bo‘yicha o‘quv dasturlarni ishlab chiqish va belgilangan tartibda tasdiqqa taqdim etish, shuningdek turdosh kafedralar tomonidan tayyorlangan o‘quv dasturlarga taqriz va xulosalar tayyorlash;
• Darslik, o‘quv, uslubiy va ko‘rgazmali qo‘llanmalarni tayyorlash, qayta nashr etiladigan darslik, o‘quv qo‘llanma va o‘quv-uslubiy adabiyotlar, shu jumladan xorijiy olimlar bilan hammualliflikda yaratilgan adabiyotlarga xulosalar tuzish;
• Kafedra yo‘nalishlari va mutaxassisliklar bo‘yicha DTS, o‘quv rejalari va dasturlarini rivojlangan xorijiy mamlakatlarning ta’lim dasturlari bilan qiyosiy tahlilini muntazam ravishda olib borish va takomillashtirish;
• Iqtidorli talabalarni tanlash va ularni tarbiyalash, olimpiada va tanlovlarda, shu jumladan “Iste’dod” jamg‘armasi va davlat grantlari tanlovida ishtirok etishga tayyorlash, talabalarning mustaqil ishlash shakl va uslublarini takomillashtirish bo‘yicha choralar ko‘rish;
• Talabalar ilmiy-ijodiy faoliyatini tizimli asosda tashkil etish, iqtidorli talabalarni aniqlash va ularni ilmiy tadqiqotlarga jalb etish, ilmiy-tadqiqot ishlarini individual va jamoa bo‘lib bajarishga o‘rgatish, ularning ilmiy-ijodiy faoliyatini ro‘yobga chiqarish uchun zarur tashkiliy, uslubiy va moddiy-texnikaviy shart-sharoitlarni yaratish;
• Mehnat qonunchiligida belgilangan boshqa majburiyatlar va huquqdardan foydalanish;
• Kafedra mudiri elchixonalar, chet el tashkilotlari hamda chet mamlakatlar vakillari ishtiroki bilan o‘tkaziladigan tadbirlarini yuqori tashkilotlar tomonidan belgilangan tartibda xalqaro aloqalar Kengashi qarori bilan yoki istisno tariqasida rektor farmoyishi asosida yuqori tashkilotlar orqali amalga oshiradi.