2024-yil 21-iyun kuni O‘zbekiston davlat san’at va madaniyat instituti rektori, professor Nodirbek Sayfullayev O’zbekiston davlat san’at va madaniyat institutining Farg‘ona mintaqaviy filiali faoliyati bilan tanishish, yakuniy davlat attestatsiyasi jarayonlarini kuzatish va amaliy yordam berish maqsadida filialga tashrif buyurib, talabalar uchun yaratilgan shart-sharoitlar, Axborot resurs markazi faoliyati va ijodiy ustaxonalar bilan yaqindan tanishdi.
Tashrif doirasida N.Sayfullayev talabalarining bitiruv malakaviy ishlari himoyasida ham ishtirok etdi. Shuningdek, filial rahbariyati va professor-o’qituvchilar hamda bitiruvchi talabalar bilan suhbatlashdi.
